الْحَمْدُ
ِللهِ الْهَادِيْ لِمَا فِيْهِ كَمَالُ اْلعِبَادِ، أَحْمَدُهُ سُبْحَانَهُ
وَتَعَالَى وَأَسْأَلُهُ التَّوْفِيْقَ وَالْهِدَايَةَ اِلَى سَبِيْلِ الرَّشَادِ.
أَشْهَدُ اَنْ لاَاِلَهَ اِلاَّ الله الْحَلِيْمُ الْجَوَّادُ ، وَاَشْهَدُ اَنَّ
مُحَمَّدًا عَبْدُهُ وَرَسُوْ لُهُ . اللهُمَّ صَلِّ وَسَلِّمْ عَلَى سَيِّدِنَا
مُحَمَّدٍ وَعَلَى آلِهِ وَصَحْبِهِ اَجْمَعِيْنَ . أَمَّا بَعْدُ ، فَيَا عِبَادَ
اللهُ ، اتَّقُوا اللَّهَ حَقَّ تُقَاتِهِ وَلاَ تَمُوتُنَّ إِلاَّ وَأَنْتُمْ
مُسْلِمُونَ . فَقَدْ قَالَ اللهُ سُبْحَانَهُ وَتَعَالَ فِى كِتَابِهِ
الْعَزِيْزِ ، أَعُذُ بِا للهِ مِنَ الشَّيْطَانِ الرَّجِيْمِ ، مَنْ جَاءَ
بِالْحَسَنَةِ فَلَهُ عَشْرُ أَمْثَالِهَا وَمَنْ جَاءَ بِالسَّيِّئَةِ فَلاَ
يُجْزَى إِلاَّ مِثْلَهَا وَهُمْ لاَ يُظْلَمُونَ ، صدق الله الْعظيم
Sining umma selleng engkae
riamasei ripuang Allah Ta’ala.
Pada laoni mai naripatarakka
asukkurekeng marajata lao risese arajanna puang Allah Ta’ala ia nassabarie
natopada engka hadere’ ri lalenna iyae masigi ma’barakka’ta sikira-kira
pannessai akatangetta’ lao ri puang Allah ta’ala rimuka engkata koritu nawereng
adising-disingeng, tubu majappa, teppe’ marilaleng.
Makkutoparo paimeng tumassalawa nenniya mappassalama masse’ ri
pangngulukkeng nabitta’ Muhammad saw. Nabi iya nassabarie natopada engka
muttama ri agama asellengengnge sibawa madeceng.
Ma’asyiral Muslimin Rahimakumullah
!
Ri munri purana riappuasang siuleng rilalenna uleng ramalang, pada
laoni mai topada mellau dowang lao risese arajanna puang Allah Ta’ala bara
kuammengngi natarimai sibawa madeceng puwasa ramalatta’ koritu nainappani
ripaccinrolai puasa enneng essona pole ri uleng sawwaleng. Nasaba iyyaro
riappuasannai enneng essona ri uleng sawwaleng padai narekko riappuasangngi
sitaung kalipu, padatoha rimakkedana nabitta Muhammad saw. ri lalenna seddie
haddese’ narampewe Muslim pau pole ri Abu Hurairah:
مَنْ
صَامَ رَمَضَانَ ثُمَّ اَتْبَعَهُ سِتًّا
مِنْ شَوَّالٍ كَانَ كَصِيَامِ الدَّ هْرِ كُلِّهِ
Nigi-nigi mappuasangngi uleng ramalang inappani
napaccinrolai puasa enneng essona pole ri uleng sawwaleng, engkani koritu padai
narekko nappuasangngi sitaung kalipu.
Sininna umma’ selleng Rahimakumullah !
Rirampei ri seddie kissah, iyanaritu kissana Sufyan As Sauri,
riwettunna monro ri tana Mekka ettana tellu taung. Ri lalenna iyaro tellu
taungnge narekko laoni ri baetullae mattawape’ simata engkato seddi tau Mekka
laoto mattawape’ ri baetullae sibawa massempajang. Naiyya iyaro orowane, naseng
Sufyan As Sauri, narekko takkappoi sibawa maeloi madde’ simata mabbere
sellengngi lao ri iyya nainappa medde’ gangkanna maladde’ka’ sipoji.
Engkana sewwa esso namalasa iyaro tauwe napowadangngi makkedae narekko
mateka, ikona cemmeka, massempajangika, kuaetopa lemme’ka. Narekko purana
talemme, jagaiwi ritu ko’buru’ku sibawa pagguruka kalima’ Tauhid’ riwettu
makkutanana malaika’ mungkare nakire bara kuammengngi namalomo ri seseku baliwi
koritu. Aga riwettu cakkale’de’nana matakku (pallawangenna matinroe sibawa
paseddingnge) takko engka mana sa’da uengkalinga makkeda E Sufyan, de’ naparellu mujagai nenniya mupagguru
kalima Tauhid’ iyyae tau matewe. Jaji mappebalina koritu makkeda: magi
muatteangngi koritu ? Aga nappebalina iyyaro saddae makkeda : Iyae tauwe purai
nappuasang uleng ramalang sibawa sokku’ inappani napaccinrolai puasa enneng
essona ri uleng sawwaleng. Jaji riwettu
kuaero tokkonna’ ritu makkita maggoliling nade’gaga tau uwita. Jaji laona
ma’jenne’ nainappa liu’ paimeng. Natakko engkasi paimeng iyaro saddae makkoling
gangkanna wekka tellu. Gangkanna upapole iyaro gau’ku nasimata engkato iyaro
saddae uengkalinga.
Jaji narimakkuannanaro ujasa pettuni ri atikku makkedae naiyyaro sadda
uwengkalingae sadda pole ri puang Allah Ta’ala puang maraja akkamase ri atanna.
Nariwettu kuaero, tokkonna nainappa marellau dowang, upowadai makkedae
اللهُمَّ
وَفِّقْنىِ لِصَوْمِ رَمَضَانَ وَاِتْبَاعِهِ سِتًّا مِنْ شَوَّالٍ
E Puwang tulungnga nenniya werengnga pakkulleng
koritu mappuwasangngi uleng Ramalang nennia pancinrolaiwi enneng essona pole ri
uleng sawwaleng.
Jaji sibole-boleta lalo mamalakengngi iyae paddoangenna Sufyan, bara’
kuammengngi nainrikki puang Allah Ta’ala simata mappuwasangngi uleng ramalang
sibawa enneng essona pole ri uleng sawwaleng bara’ kuammengngi naddampengeng
manengngi puwangnge sininna dosata padatoha rimakkedana nabitta’ Muhammad saw.:
مَنْ صَامَ رَمَضَانَ
ثُمَّ اَتْبَعَهُ